إكتشاف لمحل جديد

مدخل البيت – الجزء الأول
يوليو 13, 2019
سلة خيط الخيش
يوليو 31, 2019

السلام عليكم و رحمة الله و بركاته

خبر حلو لأهل الزرقا، عشان ما تحكولي أنا بغاوز مع اللي بعمان 

هديك اليوم وصلت الزرقا، و كان عندي وقت ألفلف فيها (أعمل فيها لفة و أشوف شو في محلات عندهم). هلأ أنا بعرف فيها شوي، بس عمري ما حفظتها ف ما تسألوني وين المكان بالزبط. بس رح أنزل صفحتهم عالفيسبوك عشان تقدروا توصلوهم و تعرفوا مكانهم بالزبط. 

إسم المحل (معرض أحمد كمال للإكسسوارات) 

صراحة أنا كنت عم أدور على ورد صناعي، و عروق خضرا صناعية. كنت أشوف هالمحل من برا و نحنا مروحين (كنا كل أسبوع ننزل عالزرقا، بس هلأ صارلي تقريبا قريب السنة ما نزلت ع سوقها) ف قلت هاد أول محل رح أروحه. هلأ لقيت مجموعة الورد عنده شوي صغيرة و مش كتير بس كان في مفاجأة حلوة جوا المحل، عنده جد كل إشي ممكن تسألوا عنه. خرز، خيوط، لوازم إكسسوارات و حتى لوازم صابون. لقيت عنده حتى مجموعة حلوة من الأحجار/الخرز اللي ممكن تنفع مع فن الريزن

حسب طلبكم و اللي عم تدوروا عليه ممكن الروحة عنده تعوضكم عن نزلة عالبلد بهالشوب....مع إنه أهل الزرقا الله يعينكم متعودين عالشوب 

هاي اللينك لصفحتهم الفيسبوك 

معرض أحمد كمال للإكسسوارات

و هي الصور من عند العمو بالمحل