إكتشاف محل – لجماعة الإكسسوارات

مصدر الريزن الجديد
ديسمبر 16, 2018
الريزن، و التعامل مع قطع الإكسسوار الأساسية و الصور المطبوعة
ديسمبر 31, 2018

dav

السلام عليكم و رحمة الله و بركاته

رح أحكيلكم عن محل إكتشفته قبل فترة. كنت نازلة على وسط البلد مع صديقتي الصدوق ناهد، ف كنت بدي أدلّها على محل دايما بحب أروح عليه (مع إنّي دائما بتخربط بإسمه) بس بلاقي عنده كتير شغلات وإزا ما لقيت، عادي ممكن يدلني وين ممكن ألاقي اللي بدي ياه. أول طلوع بسمان (من جهة الجامع الحسيني) بتلاقوا محل على كوربة صغيرة إسمه ملص (هاد هو المحل اللي بضلني أتخربط بإسمه). المهم سألته وقتها بدي تعليقات معينة لشغل الإكسسوارات وما لقيتها عنده (قبل ما أنزل عالبلد كنت عم بحكي خلص بطلبها أون لاين بس خليني أجرب)، قام دلني على محل لجنبه شوي، إسمه (السلطان)...هاد المحل عالم بحد ذاته يا جماعة الإكسسوارات!!!

عنده التعليقات بكل أشكالها، الحلقات بكل أحجامها وألوانها، الأشكال ولّا السلاسل.... ع قد ما أحكي ما رح يكون ما بتشوفوا بعينكم، ف إزا إلكم ع هاد المجال لازمكم روحة ع هالمحل. وأسعاره طرية ومناسبة.
متل ما قلتلكم، طلوع بسمان بوسط البلد (خلوّا الجامع ع يمينكم، وسوق البخاري لوراكم، إمشوا لقدام شوي في شارع طلوع (أول شمال)) إطلعوه، بيصير محل ملص قدامكم وجاي ع كوربة صغيرة، وفي شارع فرعي صغير عالشمال. بهاد الشارع الفرعي بتلاقوا محل السلطان...في هناك كتيييير محلات كلف وزينة وخرز إشي بيفش القلب

رح أنزل شوية صور من المحل عشان تتشجعوا تروحوا عليه