تشكيل الورد

في أحلى من الورد؟ وجمال الورد؟

وعشان نقدر نحصل على هذا الرونق الوردي الجميل بشكل دائم بدون ما نأذي الورود الطبيعية أو نضل نغييرها ونجيب كل فترة وفترة، إن شاء الله رح نحكيلكم كيف بنشكّل الورد من مواد مختلفة…بس أكيد ما رح يكون أجمل من الورد الرباني

عنا مجموعة كبيرة من المواد اللي ممكن نعمل منها ورد، وكمان مجالات كتيرة نستخدمها بكتير أشياء منها ديكور للبيت أو قطع زينة لقطعة شغل أو مشروع لتنفيس طاقة واستمتاع بصناعة وتشكيل الورد

من المواد اللي ممكن نعمل منها: الورق و الكرتون، الصلصال بأنواعه (سيراميك أو بوليمير كلاي أو الحراري/الهوائي وغيرهم)، الخرز، اللبّاد والقماش، الشبر, وحتى الفوم والخيوط متل الكروشيه

عشان مجموعة المواد الكبيرة، وباختلاف المادة بتختلف الأدوات اللي رح نحتاجها لتشكيل الورد. غير هيك، باختلاف الوردة أو الزهرة نفسها (تصميمها أو موديلها) بتختلف طريقة التشكيل. رح نبلش أول إشي بالحكي ع الأدوات والمواد المستخدمة بشكل عام بتشكيل الورد. وبعدها رح نصير بكل بوست نختار مادة معينة ونشتغل عليها. بتقدروا تشوفوا كل الورود المصنوعة من مادة معينة بشكل منفرد بالنقر على إختياركم من المواد المذكورة فوق إزا كنتوا حابين مادة معينة أو بتقدروا تتصفحوا البوستات وتشوفوا تشكيلة الورود المختلفة و   المواد المختلفة من خلال النقر على الروابط الموجودة بالقائمة الرئيسية

أهم عاملين لازم ناخدهم بعين الإعتبار قبل التشكيل هو تصميم الوردة –باترون أو قالب أو مخطط أو رسم – الورد نفسها أولا، وتانيا إزا كنّا حابين الوردة تكون ثنائية الأبعاد – مسطحة دون أن تبرز عن سطح العمل – أو ثلاثية الأبعاد – مجسمة وبارزة عن سطح العمل. بإعتماد التصميم اللي بدنا ياه بنقدر بعدها تختار المادة اللي بدنا ياها ونبدأ بخطوات العمل باستخدام الأدوات اللي بتعتمد على المادة اللي إخترناها.

إن شاء الله من خلال قسم المجانيات رح نوّفر تصميمات وباترونات كل الورود والأزهار اللي رح نصنعها، بتقدروا تستخدموها – من خلال تنزيلها أو طباعتها، ورح تلاقوا طريقة تشكيل وصنع الورد أو الأزهار من خلال قناتنا اليوتيوب مع المقالة المرافقة عنا هون عالموقع. وإن شاء الله رح نحكيلكم وين ممكن تتوفر الأدوات محليا وبدائلها – حاليا بالأردن فقط لكن ممكن ندلكم على متاجر أون لاين ببلدان مختلفة أو إزا بعتولنا وخبروتونا عن محلات ومصادر محلية عندكم ببلدكم

ورد الورق أو الكرتون

dav