تغيير قماش كراسي المطبخ و برداية بسيطة

نوع ريزن جديد – Super glaze
مارس 13, 2020
Artistic Resin نوع ريزن جديد
مايو 13, 2020
5
السلام عليكم و رحمة الله و بركاته
مشروعنا هالمرة هو ديكور خفيف لطيف للمطبخ، من خلال تغيير القماش لمقعد أو مخدة كرسي (على أن يكون نوعه أو موديله متل اللي بالصورة)، مع عمل برداية بسيطة. و بتكلفة خفيفة و لطيفة.
تمام، المواد اللي رح نحتاجها:
متوفر بمحلات المواد المنزلية شراشف طاولات بتكون من قماش خفيف و ناعم و بنقشات حلوة. رح نحتاج من هدول الشراشف كزا واحد بالنقشة اللي بنعجبكم و اللون اللي بدكم ياه. هلأ عدد الشراشف اللي رح تحتاجوها بالزبط رح يعتمد على قياس الشرشف نفسه، عدد الكراسي اللي بدكم تغيروها و موديل البرداية و اللي بتنقوه.
أنا مثلا، إحتجت عدد 2 من الشراشف، و كفاني لأعمل شرشف للطاولة، مع تغيير 4 كراسي و برداية بموديل أساسي و بسيط (تنيات بسيطة أو ضمة خفيفة). إزا عندكم مثلا طاولة أكبر أو عدد أكبر من الكراسي، أو حابين تعملوا موديل تاني للبرداية، ر يتغير عدد الشراشف المطلوب.
و ليش ما نروح نجيب قماش من محلات القماش؟ أكيد بتقدروا ورح تكون نفس الخطوات الأساسية. لكن من مبدأ تكلفة أقل، هاد أول إشي و تاني إشي، بهاي الطريقة ما بتحتاجوا خياطة لأنه هاي الشراشف بتيجي و أطرافها محبوكة و مخيطة.
تمام، بدنا مقص، و شريط فازلين قماش (شريط لاصق خاص بالقماش) بتلاقوه بمحلات مسلتزمات القماش أو الكلف. أنا أخدته من آيكيا. كل ما أروح هناك بتناول واحد. و رح نحتاج متر، و مكبس تنجيد (ممكن تستبدلوه بمسامير صغيرة لكن المكبس أفضل و أسهل). و مكواية

ممكن إنهاء المشروع خلال يوم

المشروع سهل جدا

المشروع بيحتاج شخص واحد

هلأ التكلفة الكاملة للمشروع رخ تختلف بإختلاف الأشياء الموجودة عندكم و أسعار الشراشف مثلا. أنا رخ أفترض وجود تعليقة/جسر البرادية عندكم بشكل مسبق لكن رح أحط التكلفة في حال حبيتوا تعرفوا بعض الأدوات و المواد بشكل منفصل. ف حسب شو إنتوا جبتوا أو إستعملتوا أو شوكان عندكم

الغرض

القياس

العدد و التكلفة للقطعة

التكلفة الكاملة

شراشف الطاولة

240سم في 150سم

2 شرشف – 3.99 دينار

7.98 دينار

مكبس التنجيد

-

1 – 6 دنانير (من كارفور)

6 دينار

كبسات التنجيد

-

1 – 0.89 دينار (كمان من كارفور)

0.89 دينار ( هلأ ما بعرف قياس العلبة لكن أغلب الظن رح تكفي المشروع كامل و زيادة)

شرشف بلاستيك شفاف

150سم في 2متر

1

صدقا ما بعرف لأنه كان عندي من زمان

جسر برداية

من آيكيا (120 -210)

1 – 4 دينار

4 دينار

تعليقات للجسر

من آيكيا (مخصوص للجسر)

2 – 1 دينار

2 دينار

شريط فازلين

رول 10م – أخدته جاهز من آيكيا

1 – 2دينار

ما رح تستخدموا الرول كامل أبدا. ف خلينا نحكي 1 دينار كمتوسط

 

شوفوا إنتوا شو رح تحتاجوا و شو رح تطلع عليكم التكلفة.

أنا مثلا، التكلفة كانت عندي (8 دينار + 4 + 2) = 14 دينار.

قماش الشراشف + الجسر و تعليقاته بس لأنه الباقي كان عندي. ممكن تختلف عليكم التكلفة مثلا إزا جبتوا الأشياء من محلات تانية غير اللي أنا أخدت منها. ف التكلفة هون متحددة بشو إنتوا قرقرتوا (قررتوا) و شو جبتوا و إحتجتوا.

 

للطريقة، رح أخليكم مع الفيديو لأنه أوضح و أسهل إن شاء الله.