مشروع خفيف لطيف لرمضان

Artistic Resin نوع ريزن جديد
مايو 13, 2020
رفوف تخزين سهلين
سبتمبر 3, 2020

السلام عليكم و رحمة الله و بركاته،

بعرف على آخر أيام من الشهر الفضيل اللي رح أشارك معهم هالمشروع البسيط ف سامحوني.

ممكن تتزكروا مشروع السنة الماضية، و هاي الرابط لإله.

الرابط

بس هاي السنة الحمد لله، بنتي الكبيرة عم تقدر تصوم اليوم كله، ف قررنا نغيّر شوي من الفكرة.

كل يوم بتصوم فيه، بتقدر تحط ستيكر على الورقة، ما صامت ما في ستيكر. و بنهاية الشهر الفضيل بنشوف عدد الستيكرات اللي جمعتهم. هالمرة كان شغل التصميم عالسريع اللميع، أخدت صور جاهزة من عند العمو جوجل (ما زلت أعاني من النكد الإبداعي). و خليتها لبنتي تنقي الستيكرات اللي بدها ياها. نقت هدول الستراسات بلونين (هو بيكونوا شريط ف قصينا كل حبة عن التانية).

و عشان حماية للورقة اللي رح نطبع التصميم عليها، بتقدروا تجلدوها بالتجليد العادي أو الحراري. أنا جلدتها تجليد عادي (عندي لسه كان ضايل تجليد شفاف من أيام بداية السنة و تجليد الكتب). ف المشروع كله ما أخد مني بيجوز غير الوقت اللي دورت فيه على الصور، و عملت التصميم بخمس دقايق، و الوقت لتجليد الورقة....يعني 15 دقيقة بالكتير.

التصميم (للسنة الجاي إزا بتحبوا أو لهاي السنة للأيام الباقية) موجود على قسم مجانيات و هي الرابط. ما عليكم غير تطبعوه.
رابط قسم مجانيات

 

تقبل الله منا و منكم طاعاتنا و صيامنا و غفر لنا و لكم ما تقدم و تأخر من الذنوب.