مشروع قديم و خلصنا فك

ورشة خفيفة لطيفة
فبراير 27, 2019
وردة الجوري – من الورق/الكرتون
مايو 2, 2019

تتزكروا قبل فترة على صفحة الفيس بوك خبرتكم عن هاي القطعة... و قلتلكم رح أحكيلكم عنها بالتفصيل لكن بس أخلص من فك السلاسل؟
و أخيرا خلصت...

(الوقت المستغرق من هداك التاريخ لتاريخ هاد البوست أكيد ما كان بس لفك السلاسل، بس كان عندي شوية إلتزامات و أمور شغلتني كتير لحد ما قدرت أكتب البوست(

و للأسف لأنه القطعة هاي من زمان عاملتها ما عندي صور مفصلة لطريقة صنعها، بس إن شاء الله مع الحكي عنها و الصور رح تشوفوا إنها سهلة كتير و أي حدا ممكن يعملها، و ممكن تغيروا من الخرز المستعمل أو حجم الطارة، أو تضيفوا إي إضافات ممكن تحبوها. 

 

كان عندي طارة تطريز، و مجموعة من الخرز على شكل فراشة، حبيت أدمجهم مع بعد.

ف اللي عملته أول إشي، أخدت الجزء الداخلي من الطارة (اللي بتكون دائرة مغلقة) و زينتها بشبر من المحيط الداخلي و الخارجي إلها

و بعد ما قست محيط الطارة، قسمته على 8. كان في تصميم معين ببالي، و كنت حابة تنزل سلاسل من داخل الطارة مش بس من الداير. 

ف اللي عملته، عند كل تقسيمة ثبتت دبوس تعليق (دقيته متل المسمار عالخفيف و مع نقطة من السوبر غلو)  متل اللي بالصورة بس قصيته بالطول اللي بدي ياه

و من خلال دبابيس الثبيت علقت سلسلة رفيعة/ناعمة بين كل 4 دبابيس لصار عندي مربعين متداخلين

حاولت أعمل تصميم توضيحي . 

بعدين، من على السلاسل اللي ثبتتها بشكل مربعات و عند النقاط المبينة بالشكل ثبتت حلقة عشان أقدر أنزل سلسلة منفصلة.

 

 

السلاسل المنفصلين هدول كانوا عبارة عن الخرز الفراشات مع أشكال مختلفة دمجتها مع بعض.

طريقة الشبك و تكوين السلاسل إن شاء الله رح أعملها لقدام بس لأنه متل ما قلتلكم القطعة عملتها زمان و ما عندي صور مفصلة لطريقة العمل.

 

بعدين من الجهة الفوقانية (المعاكسة للسلاسل) حطيت تعليقات بلون أبيض (عدد أربعة) و سلاسل لأزيد من طول القطعة شوي. 

و هيك كانت القطعة النهائية بعد ما خلصت شغل عليها (التشابك صار نتيجة إنه كنا عم نرحل من بيت لتاني، ف إضطريت أضبها و أحطها بكيس، فصارت الشلبكة بين السلاسل) و ممكن يكون السبب إنه بنتي الصغيرة وصلت الكيس اللي كانت مضبوبة فيه...ممكن!