مصدر جديد و نوع ريزن جديد

فانوس عالسريع
مايو 2, 2019
مدخل البيت – الجزء الأول
يوليو 13, 2019
 

السلام عليكم ورحمة الله وبركاته

كل عام وإنتوا بخير حيث إنه كان عيد الفطر، يتعاد عليكم بالخير والصحة والسلامة

يا الله شو حلو الشعور للرجوع للشغل والكتابة وإلكم...إلكم وحشة والله ❤️❤️

هلأ لساتني ما اترتبت وخلصت 100 بالمية، مشغلي لساته غير مسمى (قررنا نغيّر إسمه من batcave لإشي تاني وهينا عم ندور ع إسم تاني) وكراتيني وأغراضي لساتها 75% مكركبة، بس الحمد لله لقيت حالي فاضية شوي أحكيلكم عن آخر كزا شغلة عملتها قبل ما نرحل (للي ما بيعرف، أنا رحلت من بيت لتاني، ف الغياب اللي صار كان نتيجة النقلة/الرحلة هاي، اللي كانت مفروض تأخر أسبوع بس بتأخير ورا تأخير ومع رمضان، خلصت الأسبوع الماضي تقريبا) وإن شاء الله رح أشاركم كزا مشروع عندي بالبيت الجديد وكزا نصيحة وهيكا.

 

اللي رح أحكيلكم عنه اليوم هو نوع جديد من الريزن، إستعملته بآخر مشاريعي اللي بيجوز شفتوها (وإزا ما شفتوها، ليش؟ هاي الرابط لوحدة من القطع اللي عملتها منه عشان ما تكون عندكم حجة (Link)). الريزن اللي إستعملته كان من صفحة (مادة الرزن) وهاي الرابط تاعهم لصفحة الفيسبوك وفيها كل التفاصيل في حال قررتوا تطلبوا من عندهم (Link)). 

المصدر هو صفحة على الفيس بإسم مادة الرزن، موجود الرابط إلها فوق. متعاونين جدا و بتشكرهم كتير على فرصة تجربة نوع جديد...وللأمانة كانت الكمية اللي إستخدمتها هدية منهم لأقدر أشوفها وأحكم عليها وخصائصها (متل ما بيحكوا بالعنجليزي Review) بس رأيي بالمادة رح يكون بكامل الشفافية والصراحة إن شاء الله بدون أي تأثير أو محسوبية.

هلأ في شغلة (وهي مشتركة بأغلب الأنواع اللي حصلت عليها، من البشيتي على سبيل المثال) إنه مافي ورق تعريفي بالمادة المستخدمة، من تفاصيل الخلط أو معلومات إضافية أو حتى إسم ماركة/نوع الريزن. وهاد الإشي صراحة مزعج، لأنه فرضا حدا إشترى المادة ونسي نسب الخلط، فرضا في مكونات معينة موجودة أو مش موجودة بتركيبة الريزن (المذيبات مثلا) ف يا ريت فقط تضاف ورقة تعريفية مع المنتج/الريزن (تعليمات الخلط على سبيل المثال والأمان واللزي منه). حكيت مع مالك الصفحة وموزع الريزن بهاد الموضوع، وحكالي عدة أسباب ليش هاد الإشي ما عم ينعمل لكن إن شاء الله بالمستقبل رح يتعرض لهاي المشكلة ويحلها بإذن الله.

 

 

تمام، خنبلش – خلينا نبلش – هيا بنا نلعب نبدأ

     

الخاصية

شو قصدي فيها

 

ملاحظات

السعر

تكلفة الليتر من الريزن بالدينار الأردني

20 دينار + االتوصيل حسب المنطقة
(لكن لقرّاء جوزاء رح يعطينا خصم ويكون 17 دينار)

المصلب والريزن

التوّفر

مدى سهولة شراءه

سهل جدا

من خلال صفحتهم الفيسبوك والتواصل معهم

نسب الخلط

كميات ونسبة خلط المكونات

جزئين من الريزن لجزء من المصلّب

(بالوزن)

أنا إشتغلت بهاي النسبة، لكن رح أجرب لقدام أخلط بنسبة 3:1 وأشوف إزا في أي فرق بالنتيجة

سهولة الخلط

قديش سهل نخلط المكونات

سهل

 

الحرارة الناتجة من الخلط

أثناء الخلط، هل يسخن الخليط؟

أبدا ولا حبة

 

الرائحة

الرائحة اللي بتكون عندي للريزن بشكل عام وخصوصي عند الخلط

أبدا ولا حبة

 

الفقاعات

كمية الفقاعات الناتجة وحجمها

عدد كبير - أحجام مختلفة لكن الأغلب أحجام دقيقة جدا

الخليط بعد ما خلطت الريزن والمصلب كان شفاف نعم، لكن الفقاعات كان عددها كبير

سهولة التخلص من الفقاعات

التخلص من الفقاعات بطرق مختلفة

صعب نوعا ما

قد ما حاولت بالقداحة أو مسدس الحرارة أو تركه لفترة من الوقت ضل في عدد لا بأس به من الفقاعات الصغيرة جدا

اللون

اللون الناتج بعد ثبات الريزن وبعد ما ينشف

شفاف

 

الوقت المتاح للعمل

قديش معنا نشتغل بالريزن بعد خلطه مع المصلب قبل ما يصير يعطينا خيوط

تقريبا 15 دقيقة

 

سرعة الثبات

الوقت اللي بيحتاجه لينشف ويصير جامد/ناشف

24 ساعة

الحلو بهاد النوع كان بعد 8 ساعات تقريبا كان جامد (بس مش متصلب) وقدرت أطلعه من القوالب بس كان جدا طري وأصابعي مثلا تركت أثر عليه...بس مثلا للأشخاص اللي بدهم يشكلوا القطعة أو يعملوا فيها إنثناءات

الملمس النهائي

طبيعة القطع والسطح الناتج

قاسي - بلاستيكي

 

التزيين

هل ممكن إضافة القطع البلاستيكية أو الزينة أو الجليتر

نعم ممكن

 

التلوين

هلأ ممكن تلوينه؟ قبل أن ينشف؟

نعم

ألوان أكريليك، ألوان زجاج، ألوان بودرة وألوان مخصصة كله كان بنتائج ممتازة

القولبة

ممكن نستخدمه بقوالب؟ هل ممكن صبه بقوالب؟

نعم

بس اللهم القوالب السميكة كانت مشكلة الفقاعات العالقة

الصب

هل ممكن صبه كطبقة على سطح معين

نعم

 

التكوّر أو التقعر

بالقوالب - سطح القطع الناتجة عن القوالب – الجهة المقابلة للشكل الناتج/ظهر القطعة

تقعر خفيف جدا مع القوالب

 

التكوّر أو التقعر

دون قوالب

قليل التكور

بيفرد لأنه سيولته عالية نوعا ما أكتر منما يتقبب
Doming effect – weak

Self leveling

بعد صب كمية من الريزن على سطح مستوي، هل يتوزع على شكل طبقة متساوية أو يتكتل/يتجمع بأماكن معينة؟

نعم

بشكل سهل جدا

الدهن بالفرشاية

هل ممكن دهنه بالفرشاية؟

لا

 

التخفيف

هل ممكن تخفيفه (بإستخدام التنر)؟

نعم

 

الدهن بالفرشاية بعد التخفيف

هل ممكن دهن الخليط الناتج بعد التخفيف

نعم

 

مقاوم للماء

ضد المي والبلل بعد ما يجمد؟

نعم

 

مقاوم للحرارة

بعد ما يجمد وينشف تمام، هل القطعة مقاومة للحرارة غير المباشرة؟

لازم ينترك لمدة 3 أسابيع بعد التصلب

حطيت كاسة مليئة بماء ساخن على قطعة خشب مغطاية بطبقة من الريزن، دبقت وتركت أثر دائري محل الكاسة ومنطقة التلامس – بعد 3 أيام من صب طبقة الريزن قمت بالتجربة.

جربت بعد تقريبا 21 يوم، ما كان في أي أثر أو تدبيق   

 

تمام، خليني أحكي شوي أكتر عن الفقاعات.

مع إنه الخليط كان شفاف تماما بعد ما خلطت الريزن والمصلب، كان في عدد لا بأس به من الفقاعات اللي كانت صغييييرة جدا (قد راس الدبوس إزا ما كانت أصغر) وما قدرت أتخلص منها بشكل كامل للأسف. حتى إني جربت أحط وعاء الريزن و المصلب قبل الخلط بماء ساخن تقريبا لمدة عشرة دقائق (خفت الفقاعات كتيير بس لسه ضلت كمية) بس لمّا خلطت الخليط مع الألوان والإضافات راحت، ما كان في أي أثر للفقاعات (بتقدروا تشوفوا الصور إما على الفيسبوك أو الإنستغرام عبال ما أضيفها للمقالة إن شاء الله). ف إزا كنتوا بدكم تشتغلوا بالريزن الملوّن أو (Resin pouring) النتيجة جدا رائعة صراحة. بس إزا بدكم ياه شفاف، لازم تصبوا طبقة خفيفة أو رفيعة منه أو يكون في خلفية ملونة للطبقة الشفافة (متل ما عملت بالقطع اللي بصورة المقالة الرئيسية) . لكن لمعته النهائية جيدة، شفافيته جيدة ونتيجته مع الألوان رائعة.

الصور وفيديو توضيحي قيد التعديل إن شاء الله

وبرجع بقلكم تحطوش الريزن بالفرن (الدنيا شوووووب بدون هالشغلة)