من أين أحصل على الصور لطباعة ورق الديكوباج؟

ورق الديكوباج
فبراير 20, 2018
من مشاكل طباعة المناديل الورقية
مارس 4, 2018

 

بعد ما صرنا قادرين نطبع ورقنا الديكوباج الخاص فينا، رح تصير عنا مسألة – وين ممكن ألاقي الصور اللي بقدر أطبعها؟

 

المصدر الأساسي على الأرجح رح يكون من مواقع الإنترنت، لكن لازم ندير بالنا منيح قبل ما ننزل أي صورة و نطبعها و نستعملها. ليش؟ لأنه هدول الصور الممكن نلاقيهم من خلال مواقع الإنترنت رح (عالأغلب) يكون عليها/إلها حقوق طبع و ملكية (إما للإستخدام الشخصي أو التجاري – خصوصي إزا التجاري) ف عشان ما يصير عنا تبعيات ومشاكل إزا كنا حابين نستعملهم بمجال تجاري (إزا كنّا ناويين نبيع القطع اللي عم نشتغلها مثلا) من الأفضل ندور على صور ما عليها أو حقوق ملكية/طبع/نشر. الإستخدام الشخصي – عم أتعلم أو أو أعمل قطعة شخصية شروط الإستخدام كتير أسهل من شروط الإستخدام التجاري

للناس اللي حابة تدور على صور بمجال أو موضوع معيّن بكلمات بحث أساسية رح أعطيكم مجموعة من الكلمات الإنجليزية اللي ممكن تعطيكم نتائج أوسع (بالإنجليزي لأنه المحتوى أكبر ومتشعب أكتر حول موضوع الديكوباج) بس عليكم التحري والتأكد من حقوق استخدام الصور حسب مصدرها. هدول ممكن تدوروا فيهم عموقع جوجل

Floral – flowers – botanical – vintage – decoupage – butterflies – shabby chic – Victorian – illustrations – background – pattern – historical – scenery

 بتقدروا تجمعّوا الكلمات متل ما بدكم/بتحبوا  – لكن من الضروري إضافة مع كل بحث – كلمة

CC0

هيك بيكون بحثكم بالصور اللي بتسمح بالطباعة والإستخدام الشخصي أو التجاري دون أي مشاكل – لكن من الأفضل التأكد من كل صورة على حدة عند التنزيل، على سبيل المثال

Decoupage flowers CC0 – decoupage floral CC0 – decoupage botanical CC0 – decoupage backgrounds CC0 – vintage Botanical illustrations CC0 – vintage floral illustrations CC0 – vintage floral backgrounds CC0 – vintage flowers CC0 – botanical floral CC0

CC0 is the “no copyright reserved” option in the Creative Commons toolkit – it effectively means relinquishing all copyright and similar rights that you hold in a work and dedicating those rights to the public domain.

و هاي كمان مجموعة من المواقع اللي بتوفر مجموعة كبيرة من الصور المتاحة للإستخدام الشخصي أو التجاري، بس هدول بدهم شوية بحث و شوية شغل بين مجموعة الصور الكبيرة بقاعدة البيانات لكل موقع

https://thegraphicsfairy.com/

http://www.bestpsdfreebies.com/

https://publicdomainvectors.org/

https://www.publicdomainpictures.net/hledej.php?hleda=vintage+french+postcard

https://openclipart.org/

http://viintage.com/

https://olddesignshop.com/

https://digitalcollections.nypl.org/

http://knickoftime.net/antique-graphics-to-print

http://www.freevintageposters.com/

أول موقع المفضّل عندي صراحة و مرجعي الأول لأي صور ممكن أحتاجها

و أكيد للأشخاص اللي عندهم  معرفة ببرامج تعديل الصور متل فوتوشوب أو إليستريتر، عندهم مجال واسع لتعديل و تشكيل الصور متل ما بدهم. ف ما تستخسروا الوقت في تعلّم التعامل مع هيك برامج – شخصيا أنا بتعامل مع فوتوشوب لكن هيني عم أتعلم عالإيليستريتر و ندمانة ليش ما تعلمت عليه أبكر

إن شاء الله أكون أفدتكم شوي و تلاقوا الصور اللي ببالكم و تساعدكم بشغلكم