نوع ريزن جديد – إيبوكسي ريزن جالاكتيك

مشروع تغيير غرفة الغسيل
نوفمبر 26, 2020
 

السلام عليكم و رحمة الله و بركاته...

هالمرة رح أحكي معكم عن نوع جديد جربته من الريزن اللي هو ريزن إيبوكسي جالاكتيك. متوفر عند مكتبة جالاكتيك. موقعها بشفا بدران، و اللي متابعيني من زمان بيجوز بيتزكروا إنه حكيت عنها كزا مرة بالزمانات. إشي خرافي هالمكتبة، عندهم مجموعة كبيرة من الأدوات المتعلقة بالحرف اليدوية و غيرها (شفت عندهم خرامات ما شفتها عند غيرهم و أدوات كويلينج و ألوان و تأثيرات من ماركة Rich)، إشي بيفرح القلب، و بعتبرهم أكبر و اكنر مصر متنوع و شامل للوازم الريزن. مش الريزن نفسه بس، لأ من ألوان مايكا و كحولية و أكريليك و قوالب (آه يا قلبي الصغير عالقوالب اللي عندهم).

تمام، نرجع للريزن، عندهم متوفر 3 أنواع، إتنين إيبوكسي، و واحد UV.
الإيبوكسي عندهم في نوعين – واحد مخصص للصب على طبقات رفيعة، و التاني على سماكات.

أنا شخصيا جربت ال UV و الإيبوكسي المخصص للسماكات. و رح أحكيلكم عن الإيبوكسي هالمرة و ال UV رح أحكي عنه المرات الجاية إن شاء الله.

 

تمام، خنبلش – خلينا نبلش – هيا بنا نلعب نبدأ

 

 

 

الخاصية

شو قصدي فيها

 

ملاحظات

السعر

تكلفة الكمية اللي هي كيلو و نصف

32 دينار.

الكمية كيلو و نصف، يعني سعر الكيلو تقريبا 21 دينار. ف لا تنغروا و تستغلوا السعر مباشرة.

التوّفر

مدى سهولة شراءه

سهل جدا

من عندهم بالمكتبة، أو من خلال صفحتهم الفيسبوك والتواصل معهم

نسب الخلط

كميات ونسبة خلط المكونات

جزئين من الريزن لجزء من المصلّب

(بالوزن)

 

سهولة الخلط

قديش سهل نخلط المكونات

سهل

 

الحرارة الناتجة من الخلط

أثناء الخلط، هل يسخن الخليط؟

أبدا ولا حبة

 

الرائحة

الرائحة اللي بتكون عندي للريزن بشكل عام وخصوصي عند الخلط

أبدا ولا حبة

 

الفقاعات

كمية الفقاعات الناتجة وحجمها

قليل جدا –

من أكتر الأنواع اللي لاحظت عدد الفقاعات قليل جدا

سهولة التخلص من الفقاعات

التخلص من الفقاعات بطرق مختلفة

سهل جدا.

إمّا بترك الخليط يرتاح لفترة من الزمن أو إستخدام المشعل أو المسدس الحراري.

اللون

اللون الناتج بعد ثبات الريزن وبعد ما ينشف

شفاف

من أكتر الأنواع شفافية صراحة.

الوقت المتاح للعمل

قديش معنا نشتغل بالريزن بعد خلطه مع المصلب قبل ما يصير يعطينا خيوط

ساعة تقريبا

من أكتر الأنواع اللي هاد الوقت طويل نوعا ما.

سرعة الثبات

الوقت اللي بيحتاجه لينشف ويصير جامد/ناشف

48 – 72

لأنه نوع مخصص للسكب على سماكات هاد الوقت نسبيا طويل للأسف.

الملمس النهائي

طبيعة القطع والسطح الناتج

قاسي - بلاستيكي

لمعة خرافية

التزيين

هل ممكن إضافة القطع البلاستيكية أو الزينة أو الجليتر

نعم ممكن

 

التلوين

هلأ ممكن تلوينه؟ قبل أن ينشف؟

نعم

ألوان أكريليك، ألوان زجاج، ألوان بودرة مايكا وألوان مخصصة كله كان بنتائج ممتازة

القولبة

ممكن نستخدمه بقوالب؟ هل ممكن صبه بقوالب؟

نعم

 

الصب

هل ممكن صبه كطبقة على سطح معين

نعم

 

التكوّر أو التقعر

بالقوالب - سطح القطع الناتجة عن القوالب – الجهة المقابلة للشكل الناتج/ظهر القطعة

تقعر خفيف جدا مع القوالب

 

التكوّر أو التقعر

دون قوالب

قليل التكور

بيفرد لأنه سيولته عالية نوعا ما أكتر منما يتقبب
Doming effect – weak

Self leveling

بعد صب كمية من الريزن على سطح مستوي، هل يتوزع على شكل طبقة متساوية أو يتكتل/يتجمع بأماكن معينة؟

نعم

بشكل سهل جدا

الدهن بالفرشاية

هل ممكن دهنه بالفرشاية العادية؟

لا

 

التخفيف

هل ممكن تخفيفه (بإستخدام التنر)؟

نعم

 

الدهن بالفرشاية بعد التخفيف

هل ممكن دهن الخليط الناتج بعد التخفيف

نعم

 

مقاوم للماء

ضد المي والبلل بعد ما يجمد؟

نعم

 

مقاوم للحرارة

بعد ما يجمد وينشف تمام، هل القطعة مقاومة للحرارة غير المباشرة؟

لازم ينترك لمدة 3 أسابيع بعد التصلب

تقريبا بعد أسبوع من الصب كان في أثر بسيط على طبقة الريزن، لكن بعد أسبوعين – 20 يوم ما كان في مشاكل مع الكاسة الساخنة.

 

تمام. يعني، ما إلي أحكي عن سيئة وحدة بس بهاد النوع....اللي هي وقت التصلّب الطويل للأسف. يعني مع البرد ممكن تضل القطعة فيها مطاوعة لحد ثلاث أيام أو أربعة للأسف. بس بس بس بس صافي غير شكل، و لمعته غير شكل.

مع الألوان بشتى أنواعها، بتزبط معطم تأثيرات كتير (متل ال Blooming effect أو تأثير التزهير أو توّزع اللون، اللي بيكون أكتر إشي مع الصب على شكل أزهار. تأثير البحر كمان حلو معه بيكون لأنه ممكن ترجعوا بعد ساعة ساعتين من الصب، و تسلطوا شوية المسدس الحراري لتوزيع اللون الأبيض لنتيجة خرافية.

لكن عشان وقت التصلّب الطويل، رح تلاحظوا إنه بحالة ألوان بودرة المايكا، رح يصير نوعا ما ترسّب بسيط إو إختلاف بسيط بتوزيع الألوان. بس عشان تخلّوا ببالكم. و هو النوع اللي عم أشتغل فيه حاليا بشكل كبير (بس لو هالبردات تخف علينا شوي).

إن شاء الله بالقريب العاجل رح أجرّب النوع اللي مخصص للصب على طبقات رفيعة كمان، ( اللي وقت تصلبّه 24 ساعة) و أحكيلكم عنه إن شاء الله.

و أحكيلكم عن ال UV Resin