الورق و الكرتون…آه وما أدراك كم يتشعب موضوع الورق و الكرتون
بأبسط تعريف – عالويكيبيديا – الورق هوعبارة عن مادة رقيقة مسطحة تنتج من لب الورق المنتج عن طريق ضغط الألياف السيليلوزية للخضروات، الألياف تكون عادة طبيعية، بحيث تتكون أساسا من السيليولوز، وتستخدم مادة تلك الصفحات في الكتابة والطباعة وتغليف جدران المنازل وأكياس المطابخ وكتير أشياء
من الحرف اليدوية اللي بتعتمد عالورق أو الكرتون كمادة أساسية
السكراب بوكنج
صناعة الكروت
صناعة الورود والأزهار الورقية
الديكوباج
صناعة المجسمات من عجينة الورق
الأو ريغامي – فن طي الورق
كويلينج – فن لف الورق
تجليد الكتب اليدوي
صناعة الورق اليدوي
صناعةالمجسمات والمناظر ثنائية ثلاثية الأبعاد
عشان ما نتفرع كتير بهاد الموضوع رح أحأو ل أحكي بشكل مبسّط عن الورق وأهم الإختلافات فيه. اختيار الورق أكيد بيعتمد على الغاية أو السبب اللي أنا بحتاج الورق عشانه: أطبع أو أرسم عليه، أو أعمل باترونات منه، أو محتاجيته أعمل دفتر أو جورنال، أغلّف هدية أو أشكّل عجينة الورق…أسباب متعددة ومش ممكن نعدها كلها
تمام، الورق بنقدر نحكي إنه إله عاملين مهمين بيحددوا استخداماته بشكل أساسي بالحرف اليدوية (أكيد حسب الحرفة أو لا وتانيا لأنه الورق إله مواصفات كتيرة متل النوع والوزن والنقاء ودرجة الشوائب والمواد المضافة والخ الخ الخ ف اخترنا أبرز تنين)، هم الوزن وتغليف سطح الورق.
(ممكن كمان عامل واللي هواتجاه الألياف لكن بشكل ثانوي مش أساسي رح نحكي عنه كمان شوي)
وزن الورق
في أو روبا، أو الدول اللي بتتبع نظام القياس المتري، وزن الورق بيتعبر عنه بمصطلح (جرام لكل متر مربع) وبالإنجليزي
GSM: Gram per square meter
يعني قديش وزن المتر المربع بالجرامات من نوع الورق المعين أو يعني مثلا لوعندي ورقة بمساحة متر مربع قديش وزنها بالجرامات. كل ما كان هاد الوزن أكتر، كان الورق أسمك والعكس صحيح (وزن أقل يعني ورق أرفع)
في أمريكا، لأنه نظام القياس بيختلف بيكون عندهم (إنشات وبأو ندات) ف وزن الورق بيختلف شوي. بالنظام الأمريكي قياس الوزن بيكون عن طريق توزين 500 صفحة من الورق بحجمها القياسي وتسجيله هاد الوزن بالباو ند. لأنه الحجم القياسي بيختلف بإختلاف نوع الورق ف الأمور بتلخبط شوي. ف خلونا عالأو روبي
ورق الطباعة العادي بيجي تقريبا ما بين 80 ل 120 جي.سي.إم، ورق الجرايد ما بين 35 ل 55 جي.سي.إم ، الورق أو الكرتون (مهوالكرتون ورق بس تخين وقوي) اللي بنعمل منه كروت العمل (أو ل مرة بكتشف إنه بالعربي بنحكي عنهم فزت كارت) بيكون ما بين 350 ل 400 جي.سي.إم. يعني مثلا، لوعندي ورقة طباعة بمساحة واحد متر مربع بيكون وزنها ما بين 80 ل 120 جرام، وهلم جرا
تغليف سطح الورق
تغليف سطح الورق شوبنقصد فيه، إنه إزا فيه مواد أو طبقات مضافة على سطح الورق أو لأ. هاي الطبقات عادة بتكون لتقوية الورق أو تحسين خصائص الطباعة أو غير هيك. سطح الورق إما بيكون مغلّف – بطبقة لامعة، أو ساتان أو مطفية – وبيجي أغلى أو بيكون سطح الورق غير مغلّف وبيكون أرخص. سطح الورق المغلف عادة بيكون أفضل للطباعة (أو بيعطي نتائج أفضل لما نطبع عليه) لأنه في طبقة عازلة على سطح الورق بتمنع الحبر أو اللون من إنه يتخلل ألياف الورق بشكل كبير، فبتكون عنا طباعة أو ضح وكمية حبر أو لون أقل، بعكس سطح الورق غير المغلف. هاد بيفرق كتير في حالات البوسترات مثلا أو الحرف المتخصصة (طباعة الصور الإحترافية أو الرسم بالألوان المائية أو غيرها من الحرف) لكن لغايات الحرف والأشياء البسيطة الأفضل نستخدم النوع الغير مغلف، أسهل نلاقيه وأخف عالجيبة. والتغليف بيتحدد كمان بطريقة تصنيع الورق أو الكرتون نفسه بس ما رح نحكي في هاد المجال للإختصار
خلينا هلأ نحكي عن الألياف. – الألياف اللي بيتكون منها الورق – ممكن تكون يإتجاه واحد (متل ورق الطباعة العادي، بتكون بالإتجاه الطولي للورقة)، أو بتكون بشكل متعامد مع بعضها على مدى الورق/الورقة (متل الورق البني اللي بنستعمله بالأكياس الورقية). كل ما بدنا الورق يتحمل شغل ويتحمل دعك، كل ما لازم الألياف تكون أكتر وتكون متعامدة مع بعضها أكتر. ممكن أكتر الناس اللي بيهتموا بإتجاه الألياف هم اللي بتتطلب حرفتهم طي الورق أو الكرتون. الطي مع إتجاه الألياف بيعطينا خط منتظم أكتر من لوإنه طوينا بشكل متعامد مع الألياف
تمام، أنواع الورق والكرتون؟ يا لهوييي قديش إنها كتيرة، ف عشان نحأو ل نختصر شوي رح نحكي عن الأنواع الشائع استخدامها بشكل كبير في الحرف اللي بتتخصص بالورق بشكل أساسي أكتر عشان ممكن هيك نساعدكم باختيار الأنواع الأفضل لغايتكم بشكل أفضل
(1)
الورق العادي: للطباعة العادية أو طباعة الليزر للكتابة، معظم ورق الدفاتر العادية من هاد النوع (المسطر أو مش مسطر)
(2)
الكرتون: بجميع أنواعه وألوانه. ممكن نستخدمه ل 90% من الحرف اليدوية، من سكراب بوكنج لصناعة الكروت للأو ريغامي حتى للرسم بالألوان المائية. متوفر كمان بأنواع بيكون فيها قوام مختلف للسطح أو بيجي مرخّم (بيكون إله متل تأثير الرخام). هووووون عنا الخيارات كبيرة ووزن الكرتون بيحدد الإستخدام
(3)
الكرتون المقوى: بتعرفوا كراتين الشيبس؟ الكبيرة اللي بيكون لونها بني؟ بينعملوا من هاد النوع، ممكن تكون طبقة أو طبقتين وبتتحمل الدعك وقوية جدا
(4)
ورق الكورنيش وورق التيشيو: هاد النوع بيكون خفيف جدا لكن بيتحمل نوعا ما الشد مع اتجاه معامد لإتجاه الألياف. الكورنيش خصوصي رائع لتشكيل الورود والأزهار الخفيفة. ورق التيشيو، ممكن كمان يكون معروف بورق السندويشات، الشفاف نوعا ما بديل رائع لورق الديكوباج (بنطبع عليه التصميم اللي بدنا ياه وممكن يعطينا أقرب نتيجة مشابهة لورق الديكوباج إزا ما كان متوفر)
(5)
ورق كرافت: هاد الورق عادة بيكون لونه بني وبيستخدم لصناعة أكياس الورق (حتى أكياس الأسمنت مصنوعة من هاد النوع)
(6)
ورق السكراب بوكنج: هاد النوع أقرب للكرتون لكن عادة مزخرف، مطبوع عليه أشكال وزخارف حرارية وغير هيك
(7)
ورق الديكوباج: بيكون عادة ورق خفيف الوزن –متوفر بأشكال وتصاميم كتيرة وأممكن أنواع كتيرة تكون من ورق الرز
بيجي عنا السؤال القوي, أي نوع أختار؟
حسب الغاية المطلوبة وبالإعتماد عالعوامل اللي حكيناها. مثلا بدي أطبع طباعة طباعة عادية على جهة وحدة من الورق، بقدر أختار ورق الطباعة العادي، لكن إزا بدي مثلا أطبع على جهتين الورق لازم أختار ورق أتقل/أسمك شوي عشان ما يحل الحبر مثلا
أو أنا بلشت أو رغامي، فبالتالي لازم أختار ورق أو كرتون نوعا ما بتحمل الطعج والثني بدون ما يتمزع ف لازم يكون ال جي إس إم متوسط ومش كتير عالي عشان تكون التنيات والطيات مرتبين ومستقمين
بدي أرسم بالألوان المائية، الورق أو الكرتون لازم يكون تغليفه أو الفنش تاعه يمنع امتصاص السوائل بسرعة عشان الألوان تنتشر متل ما بدي
فاختيار الورق بيكون بمعادلة الغاية المطلوبة مع الوزن والفنش المطلوب. رح تلاقوا جدول ممكن يساعدكم بعملية الإختيار
نصيحة أخيرة، إزا كانت مشروعكم الورقي أو الكرتوني بيتطلب طباعة، من الأفضل دائما الرجوع و سؤال المطبعة اللي عم تطبعوا فيها (مش قصدنا الطباعة المنزلية، لكن طباعة الكتب مثلا و البوسترات) عشان عندهم الخبرة المطلوبة بالنوع و الخصائص الأفضل لطلبكم و حاجاتكم
