تحسين أطراف الكرتون بعد القص

…ونبدأ القول ببسم الله

أحيانا و نحنا عم نقص كرتون – ممكن كمان الورق من العيارالتقيل- يكون عنا خط القص مش تمام، و تكون الأطراف مش منتظمة أو مهترئة متل بالصورة

السبب ممكن من المشرط اللي عم نستعمله أو من أداة القص إنهم مش حادين أو الشفرة قديمة، ممكن أثناء القص ما كنت عم أضغط بشكل متناسق أو مستمر ع مدى خط القص، فبتصير عندي الأطراف بهاد الشكل
الحل البسيط؟ مبرد الأظافر. بنستعمله على الحد المهترء بشكل خفيف متل ما بنستعمله عالأظافر، و بقيم كل الزوايد و الأطراف المهترية و بيصير عند خط القص منتظم و يا محلاه

لكن مهم ما نستعمل مبرد الأظافر اللي بنستعمله لأظافرنا، ممكن نلاقي بالمحلات مبارد الإستعمال الواحد = اللي بنستعملهم مرة وحدة و بعدها بنكبهم = هدول ممتازين لهيك استعمال و سعرهم كتير رخيص. كأنه 12 مبرد، 6 حجم صغير و 6 حجم كبير، بنص دينار أو دينار،  (موجود عند ميني سو مجموعة فيها 40 مبرد بدينارين) عادة باخد كمية منيحة و بخلي عندي بالمشغل عشان ألاقيهم ازا احتجتهم. ممتازين كمان ع فكرة ازا عندي خشبة طرفها بيحتاج تنعيم أو حف خفيف، لصمفرة ورق الديكوباج بعد الدكبجة… فبتقدروا تحكوا عصفورين بمبرد واحد