…ونبدأ القول ببسم الله
من ضمن أي حرفة يدوية القطع الصغيرة أو المكونات صغيرة الحجم اللي بنحتاجها ع طول لكن دائما بنتغلب وين نخزنها أو نرتبها. مثلا, أنا بحتاج المسامير و البراغي الصغيرة لشغل الخشب و تثبيته، للحروف المتعلقة بالورق و الكرتون، الاشكال و الأرقام المختلفة باللون أو الحجم متلا
أسهل نظام ممكن تتبعوه هو، بتجربتي، أكياس النايلون الصغيرة الشفافة. منها أحجام كتيرة بتناسب إيش ما في ببالكم تضبوا. و ممكن هاي الأكياس تترتب و تنحط داخل صندوق صغير أو جوا درج لسهولة الوصول إلها ، و ممتازة لأنه الكيس شفاف ف بقدر أشوف اللي جواه
ممكن كمان نستثمر شوي و نجيب علب بلاستيك بتكون مقسمة من جوا. منها كمان أحجام و أشكال كتيرة، و في منها بقدر أتحكم بالتقسيمات اللي جوا الصندوق
العلب موجودة بأكتر من محل-عمان/الأردن – ممكن تلاقوها بمحلات الأدوات المنزلية، محلات العدد الصناعية، المكتبات الكبيرة ومحلات الكلف و ما شابهها و ممكن – رح تستغربوا بعرف- محلات تصليح الموبايلات